٢٠٠٩/٠٢/١٩

مخنوق

مخنوق
مخنوق من الناس ومن السلبية
مخنوق من الشباب اللي ممكن يهز جبال اللى ممكن يزلزل الدنيا ويخلى النظام دا يجرى وياخد ديلة فى سنانة ويغور
مخنوق من الشعب كلة
كلة بيتكلم وفعل مافيش
كل الدنيا فى مصر مش عاجبها الوضع
مش عاجبها فانون الطوارىء ابو ريحة وحشة
وعادى بيعدى
مش عاجبها الاحتكار وعادى عز يحتكر والناس بتساعدة وتشترى

مش عاجبنا جمال مبارك والحمد الله الراجل ماشى زي القطر فى مشروع ميراث حكم ابوة
وابوة هيموت ع الكرسى علشان الواد يورث الحكم
مش عاجبنا الحزب الوطنى الفاسد
وبعشرة جنية الناس بتروح انتخابات وتدى اصواتها ليهمن
دا غير ان اساسا اللى بيفهموا والمحترميين مش بيشاركوا فى العملية السياسية والانتخابية اساسا
مش عاجبنا الدستور وتعديلاتة المنيلة
وعادى نور يترشح عليها
حاجة تخنق مش كدة
والله مخنوق
مخنوق من الحكومة
الفاسدة
بالمستندات
الكل بااااااااااااطل
الناس الناس تقدر تغير ومش بتتحرك
لية مش عارف
ليه
مش فاهم
لما بنزل مظاهرة او اعتصام قدام النقابة او عند دار القضاء
بقابل شباب زي الفل
شباب انا متاكد انه هيعمل حاجة
لانه فاهم وواعى
لكن امتى مش عارف
ازاى مش عارف
يمكن الشارع يعرف يغيير
جايز
فى ناس بتراهن على الشارع وانا منهم
لكن متى
مش شايف
يمكن عصيان مدنى ينفع
بس الامن بيبقوا كلاب فى الشارع
العادلى وزبانيتة مش بيخلوا جهد انهم يعملوا اوسخ الوسائل لافشال كل بارقة امل فى الشارع
حاجة تخنق
فى النهاية
انا مخنوق
لكن عندى بارقة امل فى الشباب والناس والشارع
يارب

٢٠٠٨/٠٣/٠٩

الارهابى والارض الطيبه

هذا الكيان المستفذ لن يستطيع ان يحيا على ارضى


لن يستطيع ان يتغذى على هذه الارض.. ارضى.............. فلسطين العربية. ان الارض فى بلادنا تطرح الخير. انجبت هذه الارض الانبياء بلا خطيئة.
انجبت الرسالات السامية ذلك لانها تنجب الخير.


هذا الكيان الصهيوني لن يستطيع التعايش مع هذه الارض لن تغذية تلك الارض مرة اخره سيذبل ويجف وعندما يجف وييبس لن تكون ماساة حينما اراه وهو يتلاشى ويندثر فى هذا اليوم البديع . سيتلاشى نعم تاكيدا سيتلاشى .لان هذه الارض لن تغذيه لن تطعمه.فهي طيبة. طيبه طيبة امى .ستسجل هذه الارض انها فى ذلك اليوم البديع سمعت اجل ترنيمه مسيحية واعظم ترتيله اسلامية........


اتسأل كثيرا هل قدت قلوبهم من حجارة لماذا يقتلون شيخا قعيد او طفلا رضيع ماذا سيفيدهم قتل هذا او ذاك .هل سينتصرون على هذه الارض بقتلهم الشيخ أحمد ياسين او محمد الدره .تاكيدا لن ينتصرون فهم لا يستطيعوا ان يتعايشون مع


النصر ذلك ان النصر خير. نعم خير ومادام خير فلن تعطيهم ارضى هذا الخير.




ماذا فعلت غزه. ما الذى جنته هذه الصغيرة فى غزه وكيف اغتلوكى يا صغيرتي هل اسقطوا ارجوحتك هل حطموا دميتك


ام افقدوكى بسمتك


يكفيهم ذلك لقتلك. و لكن لاتقلقى صغيرتى سيكبر من هم فى مثل عمرك لن يقتلوهم قتلتك سيكبرون على هذه الارض الطيبة ذلك انها تعطى الخير. فقط الخير.......سيكبرون وهذا خير ........وسيقتلوهم وهذا خير.......


امس وبعد ان حدث ما حدث داخل القدس الغربية بدات تهدا روعتي ومرارتي..ولا يحزني فى هذا الامر الا اننا لانجد لديهم ابرياء لقتلهم.......يا الله .يا الله لماذا لاتخلق لديهم ابرياء.


نعم هم يذوقون الموت لكنهم لا يذوقون معنى موت الابرياء . يا الله يا ارحم الرحماء لماذا تخلق لدينا ابرياء..انهكت من موت الابرياء انا انهكت جدا وتعبت من البكاء على موت الابرياء




بدات المحرقة ايها العرب


يا حكام ارضنا بدات المحرقة فى عهدكم.. لوثتم عهدنا بوجودنا فى عهدكم .......ويا ارضنا الم تجدى خير من هذا العهد لطرحنا


يا حكامنا نحوا العمالة جانبا. وتوحدوا.ليوم واحد. توحدوا . من اجل غزة توحدوا. توحدوا من اجل غزه. وستحتدث المعجزة ونحترمكم.


يا حكام ارضنا ان كنتم تسمعون فانى اليكم ناقلا على لسان كلبهم

بدأت المحرقة.

الى متى هذا الحصار. يا عرب هل تعلمون اخوانكم محاصرون .يذبحون على ايدى ابن صهيون يقتلون ينزفون دمائهم ولا يجدون ما يعوض دمائهم هم محاصرون.

قسوة الارهابى


البطل الصهيونى من هو البطل الصهيونى هو الاكثر تفنن فى قتل الاطفال والشيوخ كلما ذبح طفلا يذداد بطولة ورجولة.

٢٠٠٨/٠٢/٢٢

الاسعار تعصب الحمار

حتى الحمار لو سمع الاسعار التي وصلت الى منتهاها فى هذه البلد فانة بالتاكيد سيتعصب
وبما اننا احنا اهل مصر المحروسة بشر فاننا بالتاكيد يعنى متعصبين زينا زى اى حمار فى البلد ودا شيء من حقنا اننا نتعصب من الاسعار يعنى حاجة ما تزعلش الحكومة فى اى شيىء وكمان متحسسش الحكومة باي شييء لان اصلا الحكومة مستهبلة وعاملة مش وخدة بالها من الموضوع خالص. الحل فى الموضوع ده اننا نوصل لحكومتنا المستهبلة اننا مش زى اى حمار فى البلد.يعنى لما نتعصب نعترض ودى هتكون بداية الطريق لاننا نفرق عن حمير بلدنا ولما نعترض نرفض والرفض دا يبقى تاني فرق بنا وبين الحمير لان عمرنا ماشفنا حمار بيرفض هو بيحرن بس وبعدين بيقبل بالوضع طبعا عشان هو حمار وبعد الرفض تيجى خطوة كمان علشان نثبت لنفسنا وللحكومة اننا بشراننا نفهم الحكومة اننا بنعمل كدة علشان احنا كشفنها وكشحنها لانها هى اللى وراء انفجار الاسعار بقرارتها الساذجة الفاشلة اقتصاديا
نوع من انواع طين بلدنا
طين اقتصادي
ونفسي فى يوم اقوم الاقى الحمير فى البلد عاملين مظاهرة
يمكن البشر وقتها تغير وتحاول تفهم
ليه الحمير بتتظاهر
ولو حصل كدة هتبقى مشكلة جامدة موت لان وقتها هنبقى مطالبين برد فعل اعلى من رد فعل الحمير
وبينى وبينكم كل مافكر فى رد الفعل ده جسمى يقشعر
لذلك انا اليومين دول مركز جامد جدا فى الدعاء ان ربنا يهدى الحمير وماتتخذش اى رد فعل عنيف تجاة الموضوع ده
احسن شكلنا هيبقى كبشر زبالة وشكلي قدام نفسى هيبقى عارررررر وشكلى قدام الحكومة هيبقى ايه ................
اللهم هدى الحميرو صحصح البشر
اللهم هدى الحمير و صحصح البشر

٢٠٠٨/٠٢/١٦

من قلب الطين

الطين الذى اراه واشاهده يوميا ليس هو الطين الذى خلقت منه اجسادنا او الطين الذى يعلوا أجسادنا ولا هو ايضا الطين الذىتتكون منه الارض الزراعية التى اندثرت وراحت بلا رجعة . وماحدش يستعجل عليه علشان نعرف مع بعض انا اقصد انهى طين.
الطين اللى انا اقصده طين مختلف. كويس ،ماشى
الطين ده هو طين بلدنا. وطين بلدنا مختلف عن اى طين لان بلدنا فيها انواع مستحدثة من الطين ايوة ما تستعجبش
انواع الطين فى البلدعبارة عن طين سياسى، والطين ده والحمدلله افرز انواع كتير من الطين ذى
الطين الاقتصادى طبعا عارفينه كلنا
وطين اجتماعى
وطين ثقافى
وطين جنسى وماحدش يفهمنى غلط فى جنسى دى
وطين دينى

يعنى ياجماعة انا شايف اننا والحمد لله عايشين وسط الطين الجامد قوى واللى مش شايف كدة يبقي يوم اهلة مطين بطين

دى بس تعليقه اولانيه على اسم المدونة المطينة دى علشان تعرفوا هى ليه اسمها كدة(طين بلدنا)

وان شاء الله هنبداء من بكرة الكلام
سلام
وليلتكم من غير اى طين ان شاء الله