حتى الحمار لو سمع الاسعار التي وصلت الى منتهاها فى هذه البلد فانة بالتاكيد سيتعصب
وبما اننا احنا اهل مصر المحروسة بشر فاننا بالتاكيد يعنى متعصبين زينا زى اى حمار فى البلد ودا شيء من حقنا اننا نتعصب من الاسعار يعنى حاجة ما تزعلش الحكومة فى اى شيىء وكمان متحسسش الحكومة باي شييء لان اصلا الحكومة مستهبلة وعاملة مش وخدة بالها من الموضوع خالص. الحل فى الموضوع ده اننا نوصل لحكومتنا المستهبلة اننا مش زى اى حمار فى البلد.يعنى لما نتعصب نعترض ودى هتكون بداية الطريق لاننا نفرق عن حمير بلدنا ولما نعترض نرفض والرفض دا يبقى تاني فرق بنا وبين الحمير لان عمرنا ماشفنا حمار بيرفض هو بيحرن بس وبعدين بيقبل بالوضع طبعا عشان هو حمار وبعد الرفض تيجى خطوة كمان علشان نثبت لنفسنا وللحكومة اننا بشراننا نفهم الحكومة اننا بنعمل كدة علشان احنا كشفنها وكشحنها لانها هى اللى وراء انفجار الاسعار بقرارتها الساذجة الفاشلة اقتصاديا
نوع من انواع طين بلدنا
طين اقتصادي
ونفسي فى يوم اقوم الاقى الحمير فى البلد عاملين مظاهرة
يمكن البشر وقتها تغير وتحاول تفهم
ليه الحمير بتتظاهر
ولو حصل كدة هتبقى مشكلة جامدة موت لان وقتها هنبقى مطالبين برد فعل اعلى من رد فعل الحمير
وبينى وبينكم كل مافكر فى رد الفعل ده جسمى يقشعر
لذلك انا اليومين دول مركز جامد جدا فى الدعاء ان ربنا يهدى الحمير وماتتخذش اى رد فعل عنيف تجاة الموضوع ده
احسن شكلنا هيبقى كبشر زبالة وشكلي قدام نفسى هيبقى عارررررر وشكلى قدام الحكومة هيبقى ايه ................
اللهم هدى الحميرو صحصح البشر
اللهم هدى الحمير و صحصح البشر
هناك ١٢ تعليقًا:
ربنا يهدى الحمير
السلام عليكم ورحمه الله وبركاته
بجد احب اهنيك علي مدونتك
انا اول مره ادخل عليها انهارده بس بجد حلوه اوي
وياريت تكمل وتكتب علطول
وبجد اسلوبك حلو اوي
ربنا يوفقك يارب
ونرجو المزيد
المشكلة ان كل حمار مشغول فى جر العربية عشان فى الأخر ياخد شوية تبن للحمير اللى فى البيت , و يادوب ينام عشان يصحى و يوم جديد يبدأ بجر العربية من تانى , و كرباج هنا يا اسطى , و كرباجين على ضهره , و شوية تبن , و عيد من الأول
يا عم جميز كدة كدة العربية هلكانة وخربانة وشوية التبن ما بيكفوش نقف احسن علشان نصلحها ولا نسبها لما تقع خالص
لا حمار ولا حتى حصان ؟
شكرا لصوت من مصر على زيارة المدونة و نسيت تقول ولا حتى قط ولا فار
لا بصراحة احنا اثبتنا اننا كائنات داجنة .. ليس لها سعر مع ان الفراخ غليت
اخى الفاضل
مصطفى كامل
انت مالك ومال الحمير
دول عايشين عصرهم اليومين دول
كفايه ان سعد غنى لهم
والبرسيم اسعاره زادت والبشر بتشتريه لهم
هم هيتعصبوا ليه
اخى
هذه زيارتى الاولى لمدونتك وانا سعيد بها جدا واتمنى ان نتواصل دائما ان شاء الله
ده حتي الحمير احسن مننا علي الاقل بتعرف تاكل
ناس كتيرة مش لقيه لقمة العيش
والرغيف بيدبحو بعض علشان يشتروه
عرفت بقي اني الحمير احسن مننا
احنا محصلناش
ال
ال
بلاش احسن
مداونه جميلة يا مصطفي
تحياتي
رودي
حنة عندنا
يا مرحبا يا مرحبا
وانتى ظلمتينا قوى لان الحمير اغلى بكتير.
أ. حسن توفيق
اسعدتنى زيارتك ويارب يوفقك فى مشروعك اتحاد المدونين ويتم على خير.
بنوتة من مصر
يا ستى ماتزعليش الحمير مش احسن مننا ولا حاجة احنا زينا زيهم تمام
وبلاش عنصرية مع الحمير لانهم الامل القادم.
شكرا لمرورك
متعرفش الناس دى هتتحرك امتى
امتى هتنقز نفسها من اللى هى فيه
وطيب وهى ليه ساكته السكوت الرهييب ده
فعلا حاجه تججنن
اللهم ما هدى الحمار وصحصح البشر فعلا
تحياتى ولاء
الحمار اللى مش عاجبكم ده شوفوا بس لو مره صحى وملقاش العليقة بتاعته تبقى ليلة أم صاحبه سوده.. وتقول لى حمار !
الحمار بيشتغل بذمه جامده قوى بس ياويل اللى ياكل عرقه .. ولازم كل يوم ياكل ويشبع .. تخيل ؟ رغم إن المتحكم فيه عربجى .. بس بيديله حقه.
إرسال تعليق